शिक्षा विभागले भन्यो- बाढी प्रभावित विद्यार्थीको मनबाट त्रास हटाउनू, किताब पढाउन हतार नगर्नू

रसुवाको भोटेकोशीमा आएको भीषण बाढीबाट प्रभावित विद्यार्थीलाई मनोसामाजिक परामर्श दिएर मानसिक रूपमा तयार पारेपछि मात्रै नियमित कक्षा सञ्चालन गर्न सरकारले निर्देशन दिएको छ।

शिक्षा तथा खेलकुद मन्त्रालयअन्तर्गतको शिक्षा विभागले बाढी प्रभावित स्थानीय तह र विद्यालयहरूलाई पत्राचार गर्दै विद्यार्थीको मानसिक स्वास्थ्य परीक्षण र परामर्शपछि मात्र पठनपाठन सुरु गर्न निर्देशन दिएको हो।