हिमबाढी प्रभावित क्षेत्रमा टेलिकमको फाइबर नेट सुचारु

काठमाडौं । गत भदौ १० गते आएको अविरल बाढीका कारण रसुवागढी, बेत्रावती र त्रिशूली क्षेत्रमा नेपाल टेलिकमको फाइबर नेटवर्कमा गम्भीर क्षति पुगेकोमा पहिलो चरणको नेटवर्क सुचारु कार्य सम्पन भएको छ।

बाढीले रसुवागढी र बेत्रावतीमा १/१ वटा गरी २ वटा अप्टिकल लाइन टर्मिनल (ओएलटी), रसुवागढीमा १, बेत्रावतीमा १ र त्रिशूलीमा ३ वटा गरी ५ वटा फाइबर डिस्ट्रिब्युसन क्याबिनेट (एफडीसी)का साथै करिब १२८ किलोमिटर एरिएल अप्टिकल फाइबर केवल बगाएपछि त्यस क्षेत्रका कुल १ हजार ५४४ फाइवर टु दि होम (एफटीटीएच) लाइन पूर्ण रूपमा प्रभावित भएका थिए ।