पर्यटनमन्त्री भन्छन्: पर्यटनलाई खुसी बेच्ने व्यवसाय बनाऔँ

संस्कृति, पर्यटन तथा नागरिक उड्डयनमन्त्री खड्गराज पौडेलले पर्यटनलाई ‘खुसीको खोज र खुसी बेच्ने व्यवसाय’का रूपमा व्याख्या गर्दै त्यसलाई मुलुकको आयआर्जन र सामाजिक रूपान्तरणसँग जोडेर अघि बढाइने बताएका छन्।

बुधबार प्रतिनिधिसभामा सांसदहरूले उठाएका प्रश्नहरूको जवाफ दिँदै मन्त्री पौडेलले पर्यटन क्षेत्रलाई आर्थिक विकाससँगै सामाजिक समावेशिताको माध्यमका रूपमा अघि बढाउने सरकारको नीति रहेको स्पष्ट पारे।