भदौ २४ प्रति ओलीको टिप्पणी: देशका लागि ‘कालो दिन’

नेकपा (एमाले)का अध्यक्ष केपी शर्मा ओलीले भदौ २४ गते भएको विध्वंसात्मक घटनाका कारण नेपाल कम्तीमा २५ वर्षभन्दा बढी पछाडि धकेलिएको दाबी गरेका छन्।

बालकोटस्थित आगजनीबाट क्षतिग्रस्त आफ्नो निवासमा पुगेका ओलीले उक्त दिनलाई देशका लागि ‘कालो दिन’को संज्ञा दिँदै अहिले घटनालाई लिएर खुसी हुनेहरूले भविष्यमा त्यसको असर महसुस गर्ने बताएका हुन्।