पोहोर भदौ २४ मा क्षति पुगेका संरचना कति बने, बाँकी किन बनेनन्?

नवयुवाहरूको आन्दोलनमा दमनपछि विद्यार्थी सहित कैयौँ मानिसहरूमाथि गोली प्रहार भएपछि देशका कैयौँ महत्त्वपूर्ण संरचनाहरूमा आगजनी र तोडफोड भएको बुधवार एक वर्ष पूरा भयो।

गत वर्ष भदौ २४ गते आगो लगाइएका राष्ट्रपति भवन, संसद् भवन र सर्वोच्च अदालतसहितका कैयौँ संरचना अझैसम्म बनिसकेका छैनन्। प्रधानमन्त्रीको कार्यालय आफैँ एक वर्षसम्म गृह मन्त्रालयका लागि बनेको भवनबाट काम गरिरहेको छ। अनि गृह मन्त्रालय चाहिँ महान्यायाधिवक्ता कार्यालय नयाँ भवनमा सरेपछि खाली रहेको भवनबाट।