पीडितको आँसु पुछ्दै प्याबसन आवद्ध निजी विद्यालय एकजुट, १५ लाख ७० हजार रूपैयाँ

सुन्दरहरैंचा (मोरङ) । बाढीपहिरोबाट प्रभावित नागरिकको सहयोगका लागि प्याबसन सुन्दरहरैंचामा आबद्ध निजी तथा आवासीय विद्यालयहरूले १५ लाख ७० हजार ३१९ रुपैयाँ राहत रकम संकलन गरेका छन्।

नुवाकोट, रसुवा र धादिङलगायत जिल्लामा आएको विपद्बाट प्रभावित परिवारलाई सहयोग गर्ने उद्देश्यले नगर प्याबसन सुन्दरहरैंचाले आफ्ना सदस्य विद्यालयहरूबाट उक्त रकम संकलन गरेको हो। संकलित रु. १५,७०,३१९ प्याबसन राहत कोषमा जम्मा गरिएको नगर प्याबसनले जनाएको छ।