सुख्खा पहिरो खस्दा मुग्लिन–नारायणगढ सडक एकतर्फी अवरुद्ध

मुग्लिन–नारायणगढ सडक खण्डअन्तर्गत चितवनको तुईन खोला पुल नजिक बुधबार राति सुख्खा पहिरो खस्दा सडक एकतर्फी अवरुद्ध भएको छ।

सडक डिभिजन भरतपुरका अनुसार बेलुकी ९ बजे माथिबाट ठूलो परिमाणमा सुख्खा पहिरो खसेपछि उक्त सडकखण्डमा सवारी आवागमन प्रभावित भएको हो। पहिरो झर्ने क्रम अझै जारी रहेकाले पूर्ण रूपमा यातायात सञ्चालन हुन सकेको छैन।