सिभिल अस्पतालमा औषधी खरिदमा झन्डै ३ करोड रुपैयाँ भ्रष्टाचार

काठमाडौँ ।

काठमाडौँको मीनभवनस्थित निजामती कर्मचारी अस्पताल सिभिल अस्पतालमा औषधी खरिदमा झन्डै ३ करोड रुपैयाँ भ्रष्टाचार भएको पाइएको छ। अख्तियार दुरुपयोग अनुसन्धान आयोगले गरेको अनुसन्धानले सो स्थिति उजागर गरेको हो।अनुसन्धानबाट औषधी आपूर्तिबिना नै बिल इन्ट्री गर्ने, म्याद गुज्रिएका औषधी फिर्ता नगरी, स्टक विवरणमा हेरफेर गर्ने तथा आपूर्तिकर्ता फर्मको धरौटी रकम कट्टी नगरी अनियमितता गरेको भेटिएको अख्तियारका प्रवक्ता सुरेश न्यौपानले बताउनुभयो। प्रवक्ता न्यौपानेका अनुसार औषधी खरिदमा २ करोड ९१ लाख ३४ हजार ५ सय ४७ रुपैयाँ भ्रष्टाचार भएको थियो।