विश्वकप २०२६ : ७२ वर्षपछि स्विट्जरल्यान्ड क्वार्टरफाइनलमा

वासिंटन, (एजेन्सी) ।

फिफा विश्वकप २०२६ को नकआउट चरणमा स्विट्जरल्यान्डले ७२ वर्षपछि विश्वकपको क्वार्टरफाइनलमा स्थान सुरक्षित गरेको छ । क्यानाडाको भ्यानकुभरस्थित बिसी प्लेस रंगशालामा मंगलवार राति सम्पन्न निकै प्रतिस्पर्धात्मक खेलमा स्विट्जरल्यान्डले कोलम्बियालाई पेनाल्टी सुटआउटमा ४–३ ले पराजित गरेको हो । निर्धारित ९० मिनेट र त्यसपछिको ३० मिनेटको अतिरिक्त समयसम्म दुवै टोलीले गोलरहित बराबरी खेलेपछि खेल पेनाल्टी सुटआउटमा धकेलिएको थियो ।