गरुडा–कटहरिया सडक जीर्ण, तत्काल मर्मत नभए आवागमन ठप्प हुने चिन्ता

रौतहट । रौतहटको मध्यभाग गरुडा–कटहरिया सडक वर्षौँदेखि जीर्ण बन्दै जाँदा सर्वसाधारण, विद्यार्थी, किसान, व्यापारी तथा बिरामीले दैनिक सास्ती खेप्न बाध्य भएका छन्। स्थानीयवासीले तत्काल मर्मत–सम्भार नगरिए वर्षायाममा सडक पूर्ण रूपमा अवरुद्ध हुन सक्ने चेतावनी दिएका छन्।

स्थानीयका अनुसार सडकका विभिन्न स्थानमा २ देखि ३ फिटसम्म गहिरा खाल्डाखुल्डी परेका छन्। वर्षायाममा ती खाल्डामा पानी र हिलो जम्दा सवारी साधन फस्ने, दुर्घटनाको जोखिम बढ्ने तथा आवागमन थप कठिन बन्दै गएको छ।