कुलमान पालामा किनिएका ट्रान्सफर्मर परीक्षण हुँदै, देशभरबाट नमुना छानिने

काठमाडौं । नेपाल विद्युत् प्राधिकरणका पूर्वकार्यकारी निर्देशक तथा पूर्वऊर्जामन्त्री कुलमान घिसिङको कार्यकालमा खरिद भएका ट्रान्सफर्मरको गुणस्तर परीक्षण गर्ने तयारी सरकारले गरेको छ । पछिल्लो समय विद्युत् आपूर्तिमा पटक–पटक अवरोध देखिएपछि ऊर्जा, जलस्रोत तथा सिँचाइ मन्त्रालयले विगतमा खरिद भएका ट्रान्सफर्मरको गुणस्तरबारे छानबिन अघि बढाउने तयारी गरेको हो ।

देशभर जडान भएका ट्रान्सफर्मरमध्ये ‘र्‍यान्डम’ रूपमा नमुना छनोट गरेर परीक्षण गर्ने तयारी हुँदै छ । त्यस निम्ति ऊर्जामन्त्री विराजभक्त श्रेष्ठ नै सक्रिय भएका छन् ।