युक्रेनी ड्रोन रोक्न स्टारलिंक प्रणालीमा अवरोध गर्ने रुसको प्रयास

काठमाडौं । रुसी सेनाले एलन मस्कको स्टारलिंक भूउपग्रह इन्टरनेट सेवालाई अवरुद्ध पार्ने शक्तिशाली ‘ज्यामिङ’ प्रणाली जडान गरेर युक्रेनका मध्यम दूरीका ड्रोन आक्रमणको सामना गर्ने प्रयास गरिरहेको युक्रेनी ड्रोन कमान्डर र पाइलटले रोयटर्स लाई बताएका छन् ।

पछिल्लो समय अग्रपंक्तिभन्दा दर्जनौँ किलोमिटर पछाडिका लक्ष्यमा सटीक र कम खर्चमा प्रहार गर्न सक्ने तथा प्रायः स्टारलिंकमार्फत नियन्त्रण गरिने ‘मिड–स्ट्राइक’ ड्रोनको विकासले युक्रेन युद्धको स्वरूप नै बदलिदिएको विश्लेषण गरिएको छ ।