टिचिङको ओपीडी सेवा प्रविधिमैत्री बनाउन महानगरले गर्‍यो १ करोड ७० लाख सहयोग

काठमाडौं महानगरपालिकाले महाराजगञ्जस्थित त्रिभुवन विश्वविद्यालय शिक्षण अस्पताल (टिचिङ) लाई उच्च प्रविधियुक्त बहिरङ्ग (ओपीडी) सेवा सञ्चालनका लागि १ करोड ७० लाख रुपैयाँ बराबरको अत्याधुनिक प्राविधिक उपकरण सहयोग गरेको छ।

अस्पतालमा उपचारका लागि आउने बिरामीले व्यहोर्नुपर्ने लामो लाइनको झन्झट अन्त्य गर्दै स्वास्थ्य सेवालाई सहज बनाउन महानगरले सो सहयोग उपलब्ध गराएको हो।