खसीको मासुको अचाक्ली भाउ बढेपछि हस्तक्षेप गर्ने तयारीमा मन्त्रालय

काठमाडौँ । राजधानीमा खसीको मासुको मूल्य अस्वाभाविकरूपमा बढाउन थालेपछि सरकारले मूल्य नियन्त्रणका लागि बजारमा हस्तक्षेप गर्ने तयारी गरेको छ । मूल्य अचाक्ली बढाएपछि खसीको मासुको अधिकतम खुद्रा मूल्य निर्धारण गर्ने तयारी अघि बढाइएको मन्त्रालयले जनाएको छ।

हाल काठमाडौँका विभिन्न बजारमा खसीको मासु प्रतिकिलो १ हजार ६ सय रुपैयाँसम्म बिक्री भइरहेको र कृत्रिम अभाव सिर्जना गरेर मूल्य बढाइएको भन्ने गुनासो बढेपछि कृषि, वन तथा पर्यावरण मन्त्रालयले आवश्यक हस्तक्षेपको प्रक्रिया सुरु गरेको जनाएको छ।