कर्मचारी प्रशासनमा तरंग: ३६ औं नम्बरका कार्की मुख्य सचिव

सरकारले निजामती सेवाको सबैभन्दा माथिल्लो पद मुख्य सचिवमा सचिवहरूको वरिष्ठताक्रममा ३६औं नम्बरमा रहेका गोविन्दबहादुर कार्कीलाई नियुक्त गरेको छ। मन्त्रिपरिषद्को बुधबार बैठकले वरिष्ठताक्रममा निजामती सेवा प्रशासन सेवातर्फ १८औं नम्बर तथा सबै सेवातर्फ गरी ३६औं नम्बरमा रहेका कार्कीलाई मुख्य सचिव नियुक्त गरेको हो।

मन्त्रिपरिषद् तथा प्रधानमन्त्रीको कार्यालयमा सचिव रहेका कार्की मुख्य सचिवमा नियुक्त भएका हुन्। मन्त्रिपरिषद्ले परम्परा लत्याउँदै सचिवहरूको वरिष्ठताक्रममा ३६औं स्थानमा रहेका कार्कीलाई मुख्य सचिव बनाउने निर्णय गरेपछि निजामती सेवामा खैलाबैला मच्चिएको छ।