सुदूरपश्चिम प्रदेश सभाको बैठक आज, बजेटमाथिको छलफल हुने

धनगढी । बुधबार स्थगित भएको सुदूरपश्चिम प्रदेश सभाको बैठक आज बिहान ११ बजे बस्दैछ। बैठकमा आर्थिक वर्ष २०८३/०८४ को राजस्व र व्ययको वार्षिक अनुमान (बजेट) माथि सामान्य छलफल गर्ने कार्यसूची रहेको छ।

बुधबार अपराह्न ४ बजेका लागि बोलाइएको बैठकमा सरकारका कुनै पनि मन्त्री उपस्थित नभएपछि सभामुख भीम भण्डारीले बैठक स्थगित गरेका थिए। प्रदेश सभा सचिवालयका सचिव युवराज जैशीका अनुसार सरकारको तर्फबाट कुनै पनि मन्त्री उपस्थित नभएकाले बैठक स्थगित गरिएको थियो।