हर्क साम्पाङ सामाजिक सञ्जालमा किन बिर्सन्छन् हैसियत ?

सामाजिक सञ्जालमा एउटा भनाइ निकै चर्चित छ- ‘पहिले पोस्ट गर, पछि सोचौँला ।’ यही प्रवृत्तिले पछिल्लो समय सार्वजनिक पदमा रहेका केही व्यक्तिहरूलाई पनि छोएको देखिन्छ । ताजा उदाहरण बनेका छन्- श्रम संस्कृति पार्टीका अध्यक्ष तथा सांसद हर्क साम्पाङ । उनी सामाजिक सञ्जालमा अन्टसन्ट लेखिरहन्छन् । २४ घण्टामा पचासभन्दा बढी पोष्ट गरिएको भेटिन्छ । लेखिएका धेरै विषय विवादास्पद र विवादित हुन्छन् । आश्चर्य त के छ भने विवादमा परेका विषयमा उनी न माफी माग्छन्, न त करेक्सन नै गर्छन् । यी गतिविधिले उनीभित्र अल्गोरिदम क्रेज बढेको पुष्टि हुन्छ ।