भारतबाट उद्धार गरिएका बालबालिकालाई परिवारको जिम्मा

रुपन्देही । भारतका विभिन्न स्थानबाट जोखिमपूर्ण अवस्थामा उद्धार गरी नेपाल ल्याइएका १५ नेपाली बालबालिकामध्ये १० जनालाई बुधबार भैरहवामा अभिभावकको जिम्मा लगाइएको छ ।

नेपाल प्रहरी प्रधान कार्यालयको विशेष पहल तथा प्रहरी महानिरीक्षकको समन्वयमा भारतीय प्रहरी, नेपाली राजदूतावास तथा सम्बन्धित सामाजिक संस्थासँगको समन्वयमा उनीहरूको उद्धार गरी स्वदेश ल्याइएको जिल्ला प्रहरी कार्यालयले जनाएको छ ।