इरान युद्धको असरः आईएमएफले घटायो विश्व आर्थिक वृद्धिको अनुमान

न्यूयोर्क । बहुपक्षीय कर्जादाता निकाय अन्तर्राष्ट्रिय मुद्रा कोष (आईएमएफ)ले इरानमाथिको अमेरिका–इजरायल युद्धका कारण उत्पन्न ऊर्जा संकटको दीर्घकालीन असर देखाउँदै सन २०२६ को विश्व आर्थिक वृद्धिदरको अनुमान पुनः घटाएको छ ।

बुधबार सार्वजनिक गरिएको आईएमएफको पछिल्लो विश्व आर्थिक परिदृश्यअनुसार सन २०२६ मा विश्व अर्थतन्त्र ३ प्रतिशतले मात्र वृद्धि गर्ने अनुमान गरिएको छ । यसअघि अप्रिलमा आईएमएफले ३ दशमलव १ प्रतिशत वृद्धिदर रहने प्रक्षेपण गरेको थियो । यद्यपि कृत्रिम बौद्धिकता (एआई) क्षेत्रमा बढ्दो लगानी र मागले ऊर्जा संकटको केही असरलाई कम गर्ने आईएमएफको भनाइ छ ।