विगतकै जस्तो लचिलो मौद्रिक नीति आयो : अध्यक्ष अग्रवाल

नेपाल राष्ट्र बैंकले सार्वजनिक गरेको आगामी आर्थिक वर्षको मौद्रिक नीति अघिल्ला वर्षहरुको निरन्तरताका रुपमा आएको नेपाल चेम्बर अफ कमर्सका अध्यक्ष कमलेश अग्रवालले बताएका छन् । अर्थसंसारसँगको कुराकानीका क्रममा अध्यक्ष अग्रवालले केही कुराहरु परिवर्त गरेर विगतकै जस्तो लचिलो आएको बताएका हुन् ।

उनले मौद्रिक नीतिमा राष्ट्र बैंकले व्यक्तिगत जमानीबाट असिमित दायित्व सिर्जना हुने अवस्था हटाउने कुराले व्यवसायीलाई ठूलो राहत मिल्ने बताएका छन् । ‘यो विषयले धेरै व्यवसायीहरु मर्कामा परेका थिए । यसले धेरै राहात मिल्छ,’ उनले भने । त्यस्तै मौद्रिक नीतिले ११ प्रतिशत कर्जा विस्तारको लक्ष्य लिएको अवस्थामा सरकारले लिएको ७ प्रतिशतको आर्थिक वृद्धिदर आहिस गर्नका चुनौति हुने उनको भनाइ छ । ७ प्रतिशतको आर्थिक वृद्धिहासिल गर्नका लागि करिब २० प्रतिशत कर्जा विस्तार हुनु पर्ने उनको भनाई छ । ‘मौद्रिक नीतिमा ११ प्रतिशत कर्जा विस्तार गर्ने लक्ष्य लिइएको छ । यसले ७ प्रतिशतको आर्थिक वृद्धि हासिल गर्नका लागि सम्भव छैन,’ उनले भने ।