जनशक्तिबिना आयुर्वेद र योग सेवा

सरकारले बिनातयारी राष्ट्रिय आयुर्वेद तथा पञ्चकर्म कार्यक्रम सञ्चालनमा ल्याउने भएको छ। यी कार्यक्रमका लागि आगामी वर्षको लागि बजेट विनियोजन हुनुले कार्यक्रम अपुरो रूपमा सञ्चालन हुने देखिएको आयुर्वेद तथा वैकल्पिक चिकित्सा विभागले जनाएको छ।

विभागका अनुसार सरकारले बजेट भाषणमार्फत राष्ट्रिय आयुर्वेद पञ्चकर्म तथा योग केन्द्र बुढानीलकण्ठ, राष्ट्रिय आयुर्वेद अनुसन्धान तथा तालिम केन्द्र, आयुर्वेद अस्पताल नरदेवीलाई सञ्चालनमा ल्याउने घोषणा गरेको हो। यी तीनवटै केन्दलाई सञ्चालनमा ल्याउन सीमित बजेट विनियोजन गरिएको भए पनि दरबन्दी तयारीबिना अपुरो हुने देखिएको विभागले जनाएको छ।