‘तिरिमिरी झ्याइँ’को मुहूर्त, कमेडियन सुमन कोइराला हिरोमा डेब्यु गर्दै

काठमाडौँ । फिल्म ‘तिरिमिरी झ्याइँ’को शुभ–मुहूर्त गरिएको छ । बिहीबार कमलादी गणेश मन्दिरमा आयोजित एक कार्यक्रममा फिल्मका कलाकार र प्रबिधिकको उपस्थितिमा फिल्मको शुभ–मुहूर्त गरिएको हो । फिल्मको छायाङ्कन यही असार २९ गतेबाट सुरु हुनेछ ।

होराइजन मोसन पिक्चर्स प्रालिको ब्यानरमा निर्माण हुन लागेको हास्यव्यङ्ग्यात्मक यो फिल्मबाट कमेडियन सुमन कोइराला हिरोको रूपमा डेब्यु गर्दैछन् । सुमन सहित फिल्ममा धिरेन शाक्य, आभास अधिकारी, सरोज अर्याल, रियर राई, सुरज चौलागाईं, राज न्यौपाने, जय राम ढकाल, पुष्कर खतिवडा, राजश्री थापा, घनश्याम जोशीलगायतका कलाकारहरूको मुख्य अभिनय रहनेछ।