अमेरिकी आक्रमणमा दुई दिनमा १४ जनाको मृत्यु

तेहरान । अमेरिकी सेनाले पछिल्ला दुई दिनदेखि गरेको हवाई आक्रमणमा कम्तीमा १४ जनाको मृत्यु भएको इरानले बताएको छ । यी आक्रमणमा अरु ७८ जना घाइते भएको बताइएको छ । इरानको स्वास्थ्य मन्त्रालयले जारी गरेको विज्ञप्तिअनुसार बुधबारदेखि सुरु भएका अमेरिकी आक्रमणहरू देशका पाँच वटा प्रान्तमा केन्द्रित रहेका छन् ।

यसैबिच, इरानको सरकारी सञ्चारमाध्यमले बिहीबार राति भएको अमेरिकी हवाई आक्रमणमा थप तीन जनाको मृत्यु भएको जनाएको छ । दक्षिणपश्चिमी खुजेस्तान प्रान्तका उपगभर्नरका अनुसार अहवाज सहरको बाहिरी क्षेत्रमा गरिएको अमेरिकी आक्रमणमा अन्य केही व्यक्ति पनि घाइते भएका छन् । घाइतेहरूको उपचार भइरहेको बताइएको छ ।