सुनुवाइ समितिमा अर्यालले भनिन् - निर्वाचन आयोगजस्ता संवैधानिक निकायमा खुला प्रतिस्पर्धाबाट नियुक्ति गरौँ

काठमाडौँ । नेकपा (एमाले) संसदीय दलकी उपनेता पद्मा अर्यालले निर्वाचन आयोगजस्ता महत्वपूर्ण संवैधानिक निकायहरूमा नियुक्तिका लागि खुला प्रतिस्पर्धाको कानुनी व्यवस्था गर्नुपर्ने प्रस्ताव गरेकी छन्।

प्रमुख निर्वाचन आयुक्त र आयुक्तहरूको सुनुवाइ प्रक्रियासम्बन्धी कार्यतालिका तय गर्न बिहीबार सिंहदरबारमा बसेको संसदीय सुनुवाइ समितिको बैठकमा बोल्दै उनले यस्तो धारणा राखेकी हुन्। निर्वाचन आयोग पूर्ण रूपमा तटस्थ रहेर काम गर्ने तर यसको कार्यप्रकृति राजनीतिक हुने भएकाले नियुक्ति प्रक्रियालाई अझ बढी पारदर्शी, विश्वसनीय र प्रतिस्पर्धात्मक बनाउन आवश्यक रहेको उनको भनाइ थियो।