बालमन्दिरको रकम ठगीको आरोपमा तीन जना पक्राउ

काठमाडौँको नक्सालस्थित बालमन्दिरको रकम हिनामिनाको आरोपमा तीन जना पक्राउ परेका छन्।

उनीहरुलाई ठगी आरोपमा पक्राउ गरिएको प्रहरीको केन्द्रीय अनुसन्धान ब्युरो (सीआईबी) का प्रवक्ता एसएसपी अनुपम शमशेर जबराले बताए। पक्राउ पर्नेहरूमा ५१ वर्षीय राजेन्द्रकुमार श्रेष्ठ, ६२ वर्षीय ओमकृष्ण श्रेष्ठ र ५४ वर्षीया आशा श्रेष्ठ छन्। उनीहरू बालमन्दिरका सदस्य र सदस्य–सचिव हुन्।