मेटाको नयाँ एआईले इन्स्टाग्रामबाट बनाउन सक्छ तपाईंको तस्विर, गोपनीयता जोगाउन यसरी रोक्नुहोस्

काठमाडौं । मेटाको नयाँ एआई इमेज जेनेरेटरमा एउटा अचम्मको फिचर थपिएको छ, जसले मानिसहरूलाई अरूको पब्लिक इन्स्टाग्राम अकाउन्टमा रहेका फोटो प्रयोग गरेर नयाँ एआई तस्बिर बनाउने अनुमति दिन्छ । इन्स्टाग्राम प्रयोगकर्ताहरूलाई मेटाको यो नयाँ फिचरमा स्वचालित रूपमा (अटो-इनरोल) आबद्ध गराइएको छ र उनीहरूको अकाउन्ट प्रयोग गरेर एआई तस्बिरहरू बनाइँदा उनीहरूलाई कुनै सूचना समेत दिइएको छैन ।

मेटाले मङ्लबार म्युज इमेज (Muse Image) नामक आर्टिफिसियल इन्टेलिजेन्स (एआई) इमेज जेनेरेटर सार्वजनिक गर्दा, यसमा अन्य प्रयोगकर्ताको इन्स्टाग्राम फोटोका आधारमा नयाँ एआई तस्बिरहरू बनाउन मिल्ने फिचर पनि समावेश गरिएको छ । पब्लिक इन्स्टाग्राम अकाउन्ट भएका प्रत्येक वयस्क प्रयोगकर्तालाई यो फिचरमा स्वतः समावेश (अप्टेड इन) गरिएको छ ।