संसदीय सुनुवाइ समिति निकम्मा होइन, गलत व्यक्तिलाई अस्वीकार गर्न सक्छ: सांसद ढुङ्गाना

काठमाडौँ । नेपाली कांग्रेसका सांसद आनन्दप्रसाद ढुङ्गानाले संसदीय सुनुवाइ समितिले सिफारिस भई आएका व्यक्तिहरूको सम्बन्धमा विस्तृत अध्ययन र गम्भीर परीक्षण गरेर मात्रै अन्तिम निर्णय गर्नुपर्ने बताएका छन्।

प्रमुख निर्वाचन आयुक्त र आयुक्तहरूको सुनुवाइ प्रक्रियासम्बन्धी कार्यतालिका तय गर्न बिहीवार सिंहदरबारमा बसेको संसदीय सुनुवाइ समितिको बैठकमा बोल्दै उनले यस्तो धारणा राखेका हुन्। उनले संवैधानिक परिषद्ले सिफारिस गरेर पठाएका सबै व्यक्तिलाई आँखा चिम्लेर अनुमोदन गर्न आवश्यक नरहेको स्पष्ट पारे।