अनलाइन ठगीदेखि साइबर बुलिङसम्म : सुरक्षित इन्टरनेट सिकाउँदै वर्ल्डलिंक

काठमाडौं

इन्टरनेट प्रयोगकर्ताको संख्या तीव्र रूपमा बढ्दै जाँदा साइबर ठगी, साइबर बुलिङ, व्यक्तिगत गोपनीयतामाथिको आक्रमण र गलत सूचनाको जोखिम पनि बढिरहेको छ। यही चुनौतीलाई मध्यनजर गर्दै वर्ल्डलिंक कम्युनिकेसन्स लिमिटेडले सुरक्षित इन्टरनेट प्रयोग र डिजिटल साक्षरता प्रवर्द्धन गर्ने आफ्नो संस्थागत सामाजिक उत्तरदायित्व (सीएसआर) कार्यक्रमलाई विद्यालयबाट समुदायस्तरसम्म विस्तार गरेको छ।