संयुक्त राष्ट्रसंघीय चिफ अफ पुलिस समिटमा आईजीपी कार्कीको सम्बोधन

काठमाडौँ । संयुक्त राष्ट्रसंघको प्रधान कार्यालयमा आयोजित प्रहरी प्रमुखहरूको सम्मेलनमा नेपाल प्रहरीका महानिरीक्षक दानबहादुर कार्कीले सम्बोधन गरेका छन् । जुलाई ७ देखि जारी रहेको सम्मेलनलाई सम्बोधन गर्दै आईजीपी कार्कीले विश्वव्यापी शान्ति, सुरक्षा तथा कानुनको शासन सुदृढीकरणमा अन्तर्राष्ट्रिय प्रहरी सहकार्य अपरिहार्य रहेका बताए ।

पाँचौँ संयुक्त राष्ट्रसंघीय चिफ अफ पुलिस समिट अमेरिकास्थित युएन (संयुक्त राष्ट्रसङ्घ) को प्रधान कार्यालयमा भइरहेको छ । आईजीपी कार्कीले बदलिँदो विश्व सुरक्षा परिवेशसँगै साइबर अपराध, मानव बेचबिखन, अन्तरदेशीय सङ्गठित अपराध, आतङ्कवाद, आर्थिक अपराध तथा डिजिटल प्रविधिको दुरुपयोगबाट सिर्जित चुनौतीहरू कुनै एक राष्ट्रको प्रयासबाट मात्र समाधान नहुने बताए ।