दुई संसदीय समितिको बैठक बस्दै, यी हुन् छलफलका कार्यसूची

काठमाडौँ ।आज व्यवस्थापिका संसद्अन्तर्गतका दुई वटा संसदीय समितिको बैठक बस्ने भएको छ। आज कानून, न्याय तथा मानव अधिकार समिति र सार्वजनिक लेखा समितिको बैठक बस्न लागेको हो।

आज दिउँसो १२ः३० बजे बस्ने यस समितिको बैठकमा कानून, न्याय तथा संसदीय मामिला मन्त्रालयको कार्यक्षेत्र, चालु आर्थिक वर्षको प्रगति समीक्षा र आगामी कार्ययोजनाका सम्बन्धमा विस्तृत छलफल हुनेछ। यसका साथै, होल्डिङ सेन्टरमा समितिद्वारा गरिएको स्थलगत अवलोकन प्रतिवेदनका विषयमा पनि बैठकमा छलफल गरिने कार्यसूची रहेको छ।