जोर्डन र भेनेजुएलाबीच चार सहयोग सम्झौतामा हस्ताक्षर

काठमाडौँ । जोर्डन र भेनेजुएलाबीच कूटनीतिक सम्बन्ध स्थापना भएको सात दशकभन्दा बढी समयपछि पहिलो पटक भेनेजुएलाका विदेशमन्त्रीबाट जोर्डनको ऐतिहासिक भ्रमण भएको छ। यस भ्रमणका क्रममा आइतबार दुई देशबिच विभिन्न चारवटा सहयोग सम्झौतामा हस्ताक्षर भएको छ।

जोर्डनका उपप्रधानमन्त्री एवं परराष्ट्रमन्त्री आयमान सफादी र उनका भेनेजुएली समकक्षी इभान गिलबीच राजधानी अम्मानमा भेटवार्ता भएको थियो। उक्त भेटघाटका क्रममा कृषि, ऊर्जा, लगानी, पर्यटन र सूचना प्रविधि जस्ता महत्त्वपूर्ण क्षेत्रहरूमा आपसी सहयोग विस्तार गर्नेबारे गहन छलफल भएको थियो।