गुगल फोटोजमा अब एआई ‘भिडियो रिमिक्स’ सुविधा

काठमाडौं । गुगलले आफ्नो फोटो तथा भिडियो व्यवस्थापन एप गुगल फोटोजमा नयाँ ‘भिडियो रिमिक्स’ फिचर ल्याएको छ । जेमिनी ओम्नी (Gemini Omni) एआई प्रविधिमा आधारित यो सुविधाले प्रयोगकर्तालाई केही सेकेन्डमै भिडियोलाई नयाँ शैलीमा रूपान्तरण र सम्पादन गर्न सहयोग गर्नेछ ।

गुगलले आफ्ना विभिन्न सेवामा कृत्रिम बुद्धिमत्ता (एआई) आधारित टुल थप्ने क्रमलाई निरन्तरता दिँदै यो सुविधा सार्वजनिक गरेको हो । भिडियो सम्पादनको सुविधा गुगल फोटोजमै उपलब्ध भएपछि प्रयोगकर्ताले अब अन्य सफ्टवेयरको आवश्यकता बिना नै सहज रूपमा भिडियो सम्पादन गर्न सक्नेछन् ।