इरान युद्धमा डोनाल्ड ट्रम्पको टिप्पणी: 'म खराब सम्झौता गर्दिनँ'

वासिङ्टन डीसी : अमेरिकी राष्ट्रपति डोनाल्ड ट्रम्पले इरानसँग वार्ता गरिरहेका आफ्ना प्रतिनिधिहरूलाई हतारमा कुनै पनि सम्झौता नगर्न निर्देशन दिएका छन्। यसअघि सार्वजनिक भएका विभिन्न प्रतिवेदनहरूमा भने सम्झौता निकै नजिक पुगेको दाबी गरिएको थियो।

राष्ट्रपति ट्रम्पले आफूले इरानसँग एउटा उत्कृष्ट सम्झौता गर्ने स्पष्ट पारेका छन्। सोही क्रममा उनले पूर्व राष्ट्रपति बराक ओबामाको कार्यकालमा भएको आणविक सम्झौताको कडा आलोचना समेत गरे।