विश्वकप क्वार्टरफाइनल अघि फ्रान्स र मोरक्को दुवै मारमा

न्युयोर्क । फिफा विश्वकप २०२६ अन्तर्गत पाराग्वेविरुद्धको खेलमा माइकल ओलिसेले पाएको पहेँलो कार्ड उल्टाउने फ्रान्सको प्रयास असफल भएको छ। बायर्न म्युनिखका विङ्गर ओलिसेले फिलाडेल्फियामा भएको तनावपूर्ण प्रिकोार्टरफाइनल खेलको अतिरिक्त समयमा माटियास गालार्सासँग भिड्दा पहेँलो कार्ड पाएका थिए।

उक्त भिडन्तका क्रममा ओलिसेले गालार्साको जर्सी समातेपछि उनी मैदानमा ढलेका थिए। जारी विश्वकपमा पाँचवटा असिस्ट गरिसकेका ओलिसेले बिहीबार हुने क्वार्टरफाइनलमा मोरक्कोविरुद्ध अर्को पहेँलो कार्ड पाएमा सेमिफाइनल खेल गुमाउनेछन्। फ्रान्सले मोरक्कोलाई हराएमा सेमिफाइनलमा स्पेन वा बेल्जियमको सामना गर्नेछ।