राजनीतिक दलका नेताहरुसँग आचार्यको कनेक्सन !

काठमाडौं । नेपालको दूरसञ्चार क्षेत्रमा इतिहासकै सबैभन्दा ठूलो आर्थिक तथा नीतिगत घोटालामध्ये एक मानिएको “एनसेल–स्मार्ट’’ प्रकरण चर्चामा छ । सर्वोच्च अदालतमा मुद्दा परेपछि पुराना सेटिङहरू एकपछि अर्को खुल्न थालेका छन् । बैंक कर्जा, विदेशी लगानी, नेपाल दूरसञ्चार प्राधिकरण अनुमति, धितो मूल्याङ्कन, व्यक्तिगत जमानत, अडिट रिपोर्ट, शेयर हस्तान्तरण, लिलामी प्रक्रिया र सरकारी पत्राचारसम्मका कागजात सार्वजनिक गर्न माग उठेको छ ।

नेपालको बैंकिङ र दूरसञ्चार इतिहासकै सबैभन्दा संगठित र योजनाबद्ध वित्तीय अपराध हो–स्मार्ट टेलिकम प्रकरण । सर्वोच्च अदालतमा मुद्दा परेसँगै स्मार्ट सेलको रहस्यमयी खरिद–बिक्री, लाइसेन्स खारेजी र एनसेलसँग जोडिएका स्वार्थका तानाबानाहरू अहिले छताछुल्ल भइरहेका छन् ।