कोटेश्वर–बालकुमारी सडकमा हरायो फुटपाथ, जोखिम मोलेर हिँड्न बाध्य पैदलयात्री (तस्बिरहरू)

काठमाडौं । संघीय राजधानी काठमाडौं उपत्यकाको अत्यन्त व्यस्त कोटेश्वर–बालकुमारी सडकखण्डमा पैदलयात्रीका लागि सुरक्षित फुटपाथको अभाव देखिएको छ। केही स्थानमा मात्र फुटपाथ निर्माण गरिएकाले अधिकांश क्षेत्रमा पैदलयात्री सडकको किनार हुँदै जोखिमपूर्ण यात्रा गर्न बाध्य छन्।

यस सडकखण्डमा नालीमाथि केही दूरीसम्म व्यवस्थित फुटपाथ निर्माण गरिएको भए पनि त्यसपछि फुटपाथ अचानक अन्त्य हुन्छ। त्यसको सट्टा नालीमाथि फलामका प्लेट राखिएका छन्। तीमध्ये धेरै प्लेट भासिएका छन् भने कतिपय स्थानमा फलाम नै उक्किएर बाहिर निस्किएको छ। जोखिम कम गर्न केही ठाउँमा अस्थायी रूपमा बाँसको टेको लगाइएको देखिन्छ।