मेजर लिग सकरमा इन्टर मियामीको रोमाञ्चक जित

काठमाडौं । दुई गोलले पछि परेको स्थितिलाई उल्टाउँदै इन्टर मियामीले मेजर लिग सकर (एमएलएस)मा फिलाडेल्फिया युनियनविरुद्ध ६–४ को रोमाञ्चक जित दर्ता गरेको छ ।

सोमबार एनयू रंगशालामा घरेलु टोली मियामीलाई जित दिलाउन लुइस स्वारेजले ह्याट्रिक गरे । जर्मेन बर्टरमेले दुई र रोड्रिगो डी पउलले एक गोल थपे । फिलाडेल्फियाका मिलान इलोस्कीले ह्याट्रिक र ब्रुनो दामियानीले एक गोल गरे ।