नक्कली नागरिकता बनाउँदै बेच्ने गिरोहलाई नै समात्यो प्रहरीले

विराटनगरमा मजदुरी गर्दै आएकी मनिषा कामत बुधबार दिउँसो जिल्ला प्रशासन कार्यालय मोरङ पुगिन्। उनी राष्ट्रिय परिचय पत्र बनाउनका लागि त्यहाँ पुगेकी थिइन्।

आफ्नो साथमा रहेको १०२२/३०० नम्बरको नागरिकता उनले कर्मचारीलाई दिइन्। कर्मचारीहरुले उनको नागरिकता रुजु गरे। त्यहीबेला थाहा भयो− उनको नागरिकता नै नक्कली रहेछ।