कुल बजेटको ७८ प्रतिशतमात्र खर्च, पुँजीगत खर्च ४० प्रतिशतमै सीमित

काठमाडौँ। चालु आर्थिक वर्ष २०८२/८३ मा सरकारले कुल विनियोजित बजेटको ७८ प्रतिशतमात्र खर्च गरेको छ। बजेट खर्च गर्न पाउने अन्तिम दिन अघिसम्मको तथ्यांकअनुसार विकास निर्माणसँग प्रत्यक्ष जोडिएको पुँजीगत खर्च भने ४० प्रतिशतमै सीमित भएको छ।

महालेखा नियन्त्रकको कार्यालयका अनुसार असार २४ गतेसम्म सरकारले १९ खर्ब ६४ अर्ब ११ करोड रुपैयाँको कुल बजेटमध्ये १५ खर्ब ३१ अर्ब ९७ करोड १५ लाख रुपैयाँ खर्च गरेको छ।