राइड शेयरिङ गरेर रोकेको बाइकमा नगर प्रहरीले ह्विल लक लगाएपछि राइडरद्वारा आत्मदाहको प्रयास

काठमाडौं । त्रिपुरेश्वरस्थित राहदानी विभाग अगाडि पार्किङ गरिएको मोटरसाइकलमा नगर प्रहरीले ह्विल लक लगाएपछि विवाद हुँदा एक युवकले आत्मदाहको प्रयास गरेका छन् । राइड शेयरिङका क्रममा रहेका २५ वर्षीय गणेश नेपालीले बिहीबार दिउँसो आफ्नै शरीरमा आगो लगाएर आत्मदाहको प्रयास गरेका हुन् ।

जिल्ला प्रहरी परिसर काठमाडौंका सूचना अधिकारी एवं प्रहरी उपरीक्षक (एसपी) पवनकुमार भट्टराईका अनुसार मुगुको सोरु गाउँपालिका वडा नं १ का स्थायी बासिन्दा नेपाली हाल भक्तपुरमा बस्दै आएका थिए । उनले राइड शेयरिङ गरेरराहदानी विभागको ३ नम्बर गेट नजिकै आफ्नो मोटरसाइकल रोकेका थिए ।