चिनीमिलबाट भुक्तानी नपाउँदा उखु किसान मारमा, साउनमा काठमाडौँ केन्द्रित आन्दोलनको तयारी

बुटवल । कृषि उपज खरिद गरेपछि अधिकतम २५ दिनभित्र किसानलाई अनिवार्य रूपमा भुक्तानी गर्नुपर्ने व्यवस्था सरकारले गरे पनि पश्चिम नवलपरासीका उखु किसानले वर्षौंदेखिको बक्यौता रकम पाउन सकेका छैनन् ।

सरकारले २०८२ साल चैतमा सार्वजनिक गरेको शासकीय सुधारसम्बन्धी १०० कार्यसूची अन्तर्गत बुँदा नम्बर ९० (कृषि क्षेत्र) (ख)मा कृषकबाट खरिद गरिएको कृषि उपजको भुक्तानी २५ दिनभित्र गर्नुपर्ने व्यवस्था छ । उक्त कार्यसूची जिल्ला प्रशासन कार्यालयहरूमा समेत कार्यान्वयनका लागि पठाइएको थियो ।