सरकारको दाबी : १०० दिनमा प्रशासनिक सुधार, भ्रष्टाचार नियन्त्रण र डिजिटल शासनमा प्रगति

काठमाडौं । सरकारले आफ्नो कार्यकालको पहिलो १०० दिनमा सुशासन, प्रशासनिक सुधार, भ्रष्टाचार नियन्त्रण, सार्वजनिक सेवा प्रवाह तथा डिजिटल शासनका क्षेत्रमा महत्वपूर्ण उपलब्धि हासिल गरेको दाबी गरेको छ ।

प्रतिनिधिसभाको बिहिबारको बैठकमा सरकारको १०० दिने प्रगति विवरण प्रस्तुत गर्दै सरकारका प्रवक्ता तथा शिक्षा तथा खेलकुदमन्त्री सस्मित पोखरेलले अधिकांश कार्ययोजना कार्यान्वयनको चरणमा पुगेको जानकारी दिए ।