शान्तिवार्ताका बीचमा खाडी क्षेत्रमा दोहोरिएको तनाव: युद्ध कि दबाबमूलक कूटनीति ?

काठमाडौं । अमेरिकाले लगातार दोस्रो रात इरानी शहरहरूमा बमबारी गरेपछि प्रतिक्रियास्वरूप इरानले बहराइन, कुवेत र कतारमा रहेका “अमेरिकी आधार र रणनीतिक केन्द्रहरू” मा आक्रमण गरेको दाबी गरेको छ । अमेरिकी आक्रमणबाट दुई दिनमा १४ जनाको मृत्यु भएको र ७८ जना घाइते भएको सञ्चारमाध्यमहरूले लेखेका छन् ।

अमेरिकी राष्ट्रपति डोनाल्ड ट्रम्पले हर्मुजको जलडमरूमार्फत आवतजावत गर्ने जहाजहरूमाथि भएको कथित इरानी आक्रमणको ‘बदला स्वरूप आक्रमण’ गरिएको बताएका छन् ।