इलाममा विपद्ले पारेको समस्या बोकेर प्रधानमन्त्री कार्यालयमा सुहाङ, समाधानको प्रतिबद्धता

२५ असार, काठमाडौं । अविरण वर्षा र विपद्का कारण इलामको विभिन्न क्षेत्रमा देखिएको अवागमन र आपूर्तिमा परेको असरबारे क्षेत्र नम्बर २ का सांसद सुहाङ नेम्वाङले सरकारको ध्यानाकर्षण गराएका छन् ।

मेची राजमार्गको माइखोला सडक खण्ड, झापा–इलाम फास्ट र्ट्याक अन्तर्गत बेलासे सडक खण्ड, सिमलगोलाई सडक खण्ड तथा गजुरमुखीदेखि देउमाई जाने पक्की पुल क्षतिग्रस्त हुँदा एम्बुलेन्स, खाद्यान्न, ग्यास, पेट्रोलियम पदार्थ लगायत अत्यावश्यक सामग्रीको आपूर्तिमा कठिनाइ देखिएको छ ।