मानवअधिकार आयोगको सिफारिस सच्याउन एमालेको माग

नेकपा एमालेले भदौ २३ र २४ गते भएका घटनासम्बन्धी राष्ट्रिय मानवअधिकार आयोगको निर्णय नं. १७७ अन्तर्गत गरिएको सिफारिस सच्याउन औपचारिक रूपमा माग गरेको छ।

एमाले नेता महेश बर्तौलाले बिहीबार आयोगका अध्यक्ष तपबहादुर मगरलाई भेटेर उक्त सिफारिस संविधान, प्रचलित कानुन तथा अन्तर्राष्ट्रिय मानवअधिकारका स्थापित मान्यता र सिद्धान्तसँग मेल नखाने, पूर्वाग्रहपूर्ण र असंवैधानिक रहेको भन्दै सच्याउन आग्रहसहित निवेदन दर्ता गरेका हुन्।