‘लुसिफर राइजींग’लाई आएको धम्कीबारे संस्कृति मन्त्रालय के भन्छ ?

काठमाडौं । नाटक ‘लुसिफर राइजींग’को निर्माण टिमलाई आएको धम्कीबारे सरकारले अनविज्ञता प्रकट गरेको छ । एक थिएटर नेपाल, थापागाउँमा मञ्चन भइरहेको नाटक अज्ञात व्यक्तिको धम्कीका कारण रोकिए पनि सरकारले भने यसबारे केही जानकारी नभएको बताएको छ ।

आइतबार नाटक निर्माण टिमले धम्कीका कारण नाटकको मञ्चन रोक्ने निर्णय गरेको थियो । “अज्ञात राजनीतिक व्यक्ति, प्रवृति र समूहको दबाबका कारणले नाटक लुसिफर राइजींगको शो रोक्न बाध्य भएका छौँ । यसका लागि नाटक हेर्न आउनु भएका दर्शकप्रति क्षमाप्रार्थी छौँ,” नाटक निर्माण टिमले निकालेको सूचनामा भनिएको थियो ।