सुकुमबासीलाई वैकल्पिक व्यवस्था नगरी विस्थापित नगर्न मानवअधिकार आयोगको निर्देशन

काठमाण्डु – राष्ट्रिय मानवअधिकार आयोगले सुकुमबासीहरूको जीवन, स्वतन्त्रता, समानता र मर्यादाको सम्मान गर्न तथा वैकल्पिक व्यवस्था नगरी उनीहरूलाई विस्थापित नगर्न नेपाल सरकारलाई निर्देशन दिएको छ ।

आयोगका उपसचिव तथा सहायक प्रवक्ता श्यामबाबु काफ्लेले बिहीबार जारी गरेको प्रेस विज्ञप्तिमा २०८३ वैशाख १२ गतेदेखि काठमाण्डु जिल्लाको बागमती किनारलगायत विभिन्न स्थानबाट सुकुमबासीका घरटहरा हटाई होल्डिङ सेन्टरमा राखिएका व्यक्तिहरूलाई त्यहाँबाट समेत हटाइएको तथा हटाउने तयारी भइरहेको विषयप्रति गम्भीर ध्यानाकर्षण भएको जनाएको छ ।