मानवअधिकार आयोगले आफूविरुद्ध गरेको कारबाही सिफारिस सच्याउन ओलीको निवेदन

काठमाडौं । नेकपा (एमाले) का अध्यक्ष केपी शर्मा ओलीले राष्ट्रिय मानव अधिकार आयोगले आफूविरुद्ध गरेको कारबाही सिफारिसलाई असंवैधानिक भएको दाबी गर्दै आयोगको निर्णय सच्याउन औपचारिक माग गरेका छन् ।

ओलीको तर्फबाट एमालेका प्रमुख सचेतक महेश बर्तौलाले आयोगका अध्यक्ष तपबहादुर मगरलाई निवेदन बुझाउँदै जेनजी आन्दोलनसँग सम्बन्धित मानवअधिकार उल्लंघनबारे आयोगले सार्वजनिक गरेको प्रतिवेदनको निर्णय नम्बर १७७ पुनरावलोकन गरी सच्याउन आग्रह गरेका हुन् ।