क्युबामा गम्भीर मानवीय सङ्कट : राहतका लागि चीनले पठायो ६० हजार टन चामल

हभाना । चीनले गम्भीर मानवीय सङ्कट भोगिरहेको क्युबालाई चामल पठाएको छ। वर्तमान सङ्कटबाट राहत दिनका लागि चीनले कुल ६० हजार टन चामल क्युबा पठाउने भएको हो।

शनिबार पहिलो चरणमा १५ हजार टन चामल हभाना बन्दरगाह पुगेको थियो। आइतबार सामाजिक सञ्जालमा एउटा पोस्ट गर्दै क्युबाका राष्ट्रपति मिगुएल डियाज–कनेलले चामल सहायताप्रति चीनलाई आभार व्यक्त गरेका छन्।