प्रधानमन्त्रीद्वारा ६ वटा स्वास्थ्य विज्ञान प्रतिष्ठानमा उपकुलपति नियुक्त

काठमाडौँ । प्रधानमन्त्री तथा स्वास्थ्य विज्ञान प्रतिष्ठानका कुलपति वालेन्द्र शाह ‘बालेन’ले देशका ६ वटा स्वास्थ्य विज्ञान प्रतिष्ठानमा नयाँ उपकुलपति नियुक्त गरेका छन्। छनोट तथा सिफारिस समितिको सिफारिसका आधारमा रिक्त पदमा नियुक्ति गरिएको हो।

नियुक्त हुनेहरूमा चिकित्सा विज्ञान राष्ट्रिय प्रतिष्ठान (न्याम्स) को उपकुलपतिमा विवेक आचार्य, पाटन स्वास्थ्य विज्ञान प्रतिष्ठानमा नवीसमान सिंह प्रधान, बीपी कोइराला स्वास्थ्य विज्ञान प्रतिष्ठानमा स्मृति कार्की, पोखरा स्वास्थ्य विज्ञान प्रतिष्ठानमा नारायणसिंह गुरुङ, कर्णाली स्वास्थ्य विज्ञान प्रतिष्ठानमा सूर्यमान म्याहाङम्बो तथा राप्ती स्वास्थ्य विज्ञान प्रतिष्ठानमा अजयकुमार मिश्र रहेका छन्।